Créditos: ESO/VISTA/J. Emerson; Agradecementos: Cambridge Astronomical Survey UnitExplicación: parecerase o noso Sol a isto algún día? A Nebulosa da Hélice é un dos exemplos máis brillantes e achegados dunha nebulosa planetaria, unha nube de gas creada ao final da vida dunha estrela de tipo solar. Os gases máis externos da estrela expulsados ao espazo semellan desde o noso avantaxado punto de vista como se estivesemos a ollar cara unha hélice. O remanente do núcleo estelar central, destinado a converterse nunha estrela anana branca, brilla cunha luz tan enerxética que provoca que o gas previamente expelido emita fluorescencia. A Nebulosa da Hélice recebe a denominación técnica de NGC 7293, atópase a uns 700 anos luz de distancia cara a constelación do Carrexador de Auga (Acuario) e abrangue uns 2,5 anos luz. A imaxe superior realizouse en tres cores en luz infravermella mediante o Visible and Infrared Survey Telescope for Astronomy (VISTA ou Telescopio de Exploración Infravermella e Visible para a Astronomía) de 4,1 metros no Observatorio Paranal do Observatorio Europeo Austral (ESO), en Chile. Un primeiro plano do bordo máis interno da Nebulosa da Hélice amosa complexos nós de gas de orixe descoñecida.

Texto orixinal no APOD.