Créditos da imaxe: NASA, ESA e o Hubble Heritage (STScI/AURA) – Colaboración ESA/Hubble; agradecementos: R. O’Connell (U. Virginia)Explicación: un rebumbio fantástico de cúmulos de estrelas mozas e azuis, xigantescas nubes de gas brillante e escuros corredores de po impoñentes rodean a zona central da galaxia activa Centaurus A. Esta imaxe do Telescopio Espacial Hubble foi procesada para presentar un cadro de cor natural deste vórtice cósmico. As imaxes en infravermello do Hubble tamén amosan que oculto no centro desta actividade está o que parecen ser discos de materia caendo en espiral ao interior dun burato negro cunhas mil millóns de veces a masa do Sol. Aparentemente, o propio Centaurus A é o resultado dunha colisión de dúas galaxias e os restos sobros están a seren consumidos sen cesar polo burato negro. Os astrónomos cren que o motor central de semellante burato negro xera a enerxía de radio, raios X e raios gamma radiados por Centaurus A e outras galaxias activas. Pero para ser unha galaxia activa, Centaurus A está preto, a uns simples 10 millóns de anos luz de distancia, sendo un laboratorio relativamente conveniente para explorar estas potentes fontes de enerxía.

Texto orixinal no APOD.