Créditos da imaxe: SOHO, SDO, NASA, ESAExplicación: foi un cometa somerxido no Sol a causa dunha explosión solar? Probablemente non. Esta fin de semana pasada un cometa descendeu en picado cara o Sol e foi seguido moi rapidamente por unha Exección de Masa Coronal (CME, das súas siglas en inglés) desde a outra cara do Sol. As primeiras dúas secuencias do vídeo superior amosa o espectacular desenvolvemento de eventos tal e como o viu o satélite SOHO que orbita o Sol, mentres os mesmos eventos tamén foron recollidos polos dous sátelites STEREO en órbita solar. Agora, os cometas que rozan o Sol que se fan anacos mentres pasan preto del non son tan raros; catalogáronse centenares durante os últimos anos. As CME son incluso máis comúns, con quizais tres eventos menores que ocorreron durante as oito horas da película en time-lapse superior. Polo tanto, a mellor aposta dos científicos solares é que os dous acontecementos non estiveron relacionados. Outra base para esta opinión e que as CME foron provocadas polos cambios rápidos do campo magnético do Sol, cambios que un cometa pequeno parece improbable que realice. Tales coincidencias son incluso máis probables durante periodos de actividade elevada na superficie solar; como agora.

Texto orixinal no APOD.