Créditos da imaxe: NASA; agradecementos: Infinity Imagined

Explicación: soñaches algunha vez con voar ben alto sobre a Terra? Os astronautas que visitan a Estación Espacial Internacional (ISS) fano todos os días, danto voltas sen descanso ao redor do noso planeta dúas veces cada tres horas. Un exemplo espectacular da súa vista compilouse no vídeo superio en  time-lapse a partires de imaxes realizadas a comezos deste mes. Mentres a ISS acelera pola metade nocturna do globo, constelacións de estrelas familiares fican visibles por riba. Un neboeiro de aerosol da fina atmosfera da Terra é visible no horizonte coma un anel multicor. Moitas marabillas pasan a fume de carozo por baixo, incluíndo enormes bancos de nubes brancas, grandes extensións do fondo mar azul, terreos alumeados polas luces de grandes cidades e pequenas vilas e nubes de tormenta relucindo cos lóstregos. O vídeo comeza sobre o Océano Pacífico setentrional e despois pasa desde o oeste de Norteamérica ao oeste de Sudamérica, rematando preto da Antártida mentres a luz do día chega finalmente.

Texto orixinal no APOD.