Na veciñanza da nebulosa do Cono

Créditis da unaxe: Chilescope; procesado e Copyright: Utkarsh Mishra

Explicación: na veciñanza da nebulosa do Cono pódense atopar formas e texturas estrañas. As formas estrañas orixínanse a partires do fino po interestelar que reacciona de xeito complexo coa potente luz e o gas quente que é expulsado polas estrelas mozas. A estrela máis brillante da dereita da imaxe superior é S Mon, mentres que a rexión xusto por baixo alcúmase a nebulosa Pelica de Raposa pola súa cor e estrutura. O brillo azul que arrodea directamente S Mon provén da reflexión, onde o po veciño reflicte a luz da estrela brillante. O brillo vermello que enche toda a zona non se debe só á reflexión do po, tamén á emisión do gas hidróxeno que foi ionizado pola luz estelar. S Mon forma parte dun cúmulo aberto de estrelas novas denominado NGC 2264, que se sitúa a uns 2 500 anos luz de distancia cara a constelación do Unicornio (Monoceros). Os detalles da orixe da misteriosamente xeométrica nebulosa do Cono que aparece no extremo esquerdo, aínda que apunte directamente a S Mon, aínda seguen a ser un enigma.