A cheminea de fadas “King of Wings” baixo a Vía Láctea


Créditos da imaxe e copyright: Wayne Pinkston (LightCrafter Photography)
Explicación: esta estrutura de rocha non só surreal; é real. A razón pola que non é máis famosa é, quizais, por ser máis pequena do que un podería supor: a roca do remate sobresae só uns poucos metros. Aínda así, o afloramento King of Wings, situado en Novo México, EUA, é un exemplo fascinante dun estraño tipo de estrutura de rocha chamado cheminea de fadas. As chemineas de fadas poden formarse cando unha capa de rocha dura sobresae por riba dunha capa de rocha máis branda erosionada. Figúrate que os detalles de incorporar esta cheminea de fadas a unha instantánea co ceo nocturnos levou máis ou menos un ano. Amais de agardar por unha noite axeitadamente pintoresca por tras dun ceo con poucas nubes, o primeiro plano tiña que ser alumeado de xeito artificial o xustiño en relación ao brillo natural do fondo. Despois de moito planear e agardar, o disparo final, publicado aquí, tomouse en maio de 2016. Imitando á barra horizontal, o ceo do fondo amosa a franxa da nosa galaxia Vía Láctea estricándose no alto.